محرم ‏میں ‏میری ‏ذمہ ‏داری؟

بسمہ تعالیٰ

السلام علیک یا ابا عبد اللہ الحسین علیہ السلام ۔

ہماری ذمہ داری اور محرم الحرام ؟

احترام ماہ محرم الحرام آداب عزاداری کیا ہیں ؟ ۔

 

1: مجلس عزاء  اور جلوس عزاء میں وضوء کرکے آئیں۔

2: پاکیزہ لباس  اور ممکن حد تک سیاہ لباس پہن کر آئیں۔

3 : گھر میں جو سن تمیز تک پہنچے ہوئے بچے ہوں ان کو ساتھ لائیں۔

4: اپنے ساتھ کاغذ اور قلم لائیں اور مجلس کے نکات نوٹ کریں۔

5: مجلس سے واپس آکر اپنے گھروالوں اور ملنے والوں سے مجلس کے مفید نکات بیان کریں۔

6: اپنے ساتھ تسبیح اور جیب میں خاک شفاء رکھیں  یہ مومن کی نشانی بھی ہے اور تحفظ کی ضمانت بھی۔

7 : خواتین و حضرات حجاب اسلامی کی پابندی کریں۔

8: خاص طور پر خواتین شرعی لباس پہن کر آئیں۔

9: مجالس و عزداری کے اوقات میں نماز کے وقت کی رعایت کریں۔

10: دوران جلوس  نماز کے وقت نماز باجماعت ادا کریں۔

11:عزداری میں کوئی ہنسی مذاق نہ کریں۔

12: امام حسین علیہ السلام پر گریہ اجر عظیم رکھتا ہے اسلیے گریہ کریں۔

13: اگر دل چاہے تو بلند آواز سے روئیں اور اس میں شرم محسوس نہ کریں۔

14: عین گریہ و زاری کی حالت میں کوئی خصوصی دعا مانگیں۔

15: اگر رونا نہ آئے تو سر جھکا کر رونے کی کوشش کریں۔

16:  گریہ کرتے ہوئے دوسرے مومنین کے چہروں کو نہ گھوریں۔

17: ایسی شاعری پڑھیں جو خیالی نہ ہو بلکہ حقائق پر مبنی ہو۔

18: ایسے خطیب کو سنیں جو قرآن مجید، سیرت النبی اور سیرت اہل بیت علیہم السلام کے مطابق  اپنا مدعا بیان کرتا ہو۔

19: حسینیت کے اصولوں پر سامعین کی  کردار سازی کرنے والے خطیب کو دعوت دیں۔

20: فرقہ واریت، دین اور امت کے لیے زہر  ہے اس سے پرہیز کریں۔

21: بانیان اور شرکاء عزاداری،  وقت کی پابندی کا خاص خیال رکھیں۔

22: جہاں جگہ مل جائے وہیں بیٹھ جائیں سروں کو نہ پھلانگیں۔

23: جب آنسو رواں ہوں تو تبرک کے طور پر چہرے پر مل لینا چاہیے۔

24: تبرک و نیاز میں جو چیز بھی ملے اس کا احترام کریں۔ 

25: روزانہ زیارت وارث پڑھیں۔

26:مجلس کے دوران اپنے موبائل فون کو سائلینٹ پر رکھنا نہ بھولیں۔

27: عاشورہ کے دن کے آداب معلوم کریں اور انکی رعایت کریں۔

28: اگر جگہ تنگ ہو تو وہاں کھل کر نہ بیٹھیں۔

29: اگر ممکن ہو تو گھر سے غسل کرکے نکلیں۔

30: عزاداری کا انتظام اس طرح کریں کہ کسی  کے لیے اذیت کا سبب نہ ہو۔

منجانب : مدرسہ و موسسہ علمیہ باب الحوائج فاونڈیشن ایران و پاکستان ۔ 

tnaqvi565@gmail.com

B۔H۔F

00989109987105.

https://youtu.be/AdnbJofEkyI

SUBSCRIBE LIKE AND SHARE WITH OTHER PEOPLE JAZAK ALLAH ۔